"Å vakne til ein ny dag er som å få ei forundringspakke. Du veit ikkje kva ho inneheld, og kvar gong er det like spanande å opne ho." Jan-Magnus Bruheim Spegelbrot. 1990, s. 51

Godnatt-song

Alt eg har leika saman med
heile dagen lang,
trøytnar og sovnar i kveldstill fred
med rolege andedrag.

Eg helsar: Vel møtt i morgon,
til himmel og fuglar og jord,
til dyra langt inne i skogen,
til heimen og far og mor.

Små hender ligg knepte på bringa,
så seier eg alle god natt.
Sviv mellom små englar i draumeland
til morgonen vekkjer meg att.

Bok: Romferda og andre barnerim
Jan-Magnus Bruheim

---