"Å vakne til ein ny dag er som å få ei forundringspakke. Du veit ikkje kva ho inneheld, og kvar gong er det like spanande å opne ho." Jan-Magnus Bruheim Spegelbrot. 1990, s. 51 
|
Mai -14
Velkomen til Skjåk folkebibliotek laurdag 24. mai kl 13
Ove Eide, Ivar Teigum og Magni Øvrebotten skal halde kvart sitt foredrag om Jan-Magnus. Ove Eide er redaktør av "Dikt i utval" som kom ut i februar 2014. Magni og Ivar har saman med Ove skrive kvar sin artikkel i boka.
Det blir også song og musikk av elevar i 9. klasse ved Skjåk ungdomsskule.
Gratis inngang!
Premieutdeling
Kl 14.30 er det premieutdeling i samband med tekstkonkurransen vi har hatt for ungdom i Skjåk, Lom og
Vågå.
Juryen har hatt eit omfattande arbeid med å lese gjennom alle dei 102 bidraga som kom inn. Ungdommen får mykje skryt for alle dei gode tekstene, og om ein av vinnarane skriv juryen:
Juryen meiner denne teksta syner at forfattaren er på god veg når det gjeld å utvikle skrivetalentet sitt. Ho har eit godt skrivegrep og komposisjonen hennar held lesaren fast gjennom heile teksta. Ho greier å halde på metaforbruken gjennom heile teksta, og ho rundar av slik at mykje fell på plass for lesaren.
Men kven er så vinnarane? Kom på "Ståk i Skjåk"! Premieutdelinga vil gå føre seg frå scena på marknadsplassen. Hovudsponsoren SpareBank 1 Lom og Skjåk vil dele ut pengepremiar på til saman
kr 10 000,-. Vi har også fått fleire bokpremiar frå Samlaget og Aschehoug som skal delast ut.
Les meir om tekstkonkurransen her.
Marknadsplassen på Ståk i Skjåk
Bruheim-nemnda har eigen bod kor vi skal ha sal av Dikt i utval, cd-en til Sigrid Moldestad, berenett og postkort.
___________________________________________________________________________________
